محاوره ابوذيه..الى حبيبي

محاوره ابوذيه..الى حبيبي
الأمرأه :
هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه
الرجل
احد سجين صبري وجن ولاحد
التفت وماشفت ربعيي ولا حد
شجم سبت اليمر بيه والاحد
اجي بس شوفتج تصعب عليه
الامرأه :
لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
وكمت ما تسأل ولا تمر بيه
الرجل
غيرج ماحلى بعيني ولا طاب
ولا دونج دخل گلبي ولا طاب
يجرحي وياج لا هود ولا طاب
دم ينزف ولا تدرين بـــيه
الامرأه :
محبتك تجري وي روحي وي دماي
وعليك نشلت عضامي ويدماي
نجويت بأيد انا ناري ويد ماي
ولكن من يطابكهن سويه
الرجل
عليج الروح راحت من يردها
وكيحه همومي صارت من يردها
خطيه الروح ملت من يردها
لآن بس الصبر لبس العليــــه