دخيلك لا تصدلي بعينك التذبح

دخيلك لا تصدلي بعينك التذبح

انه(مجرح قبل)وارحــــــــم بلمجرح

هدني بداعت الله ارحمني اترجاك اي موضوع عن العشك لتفتح

ولك تعبني ذكرك غادر التفكير شعندك بالعقل؟؟بس(تمرح وتسرح!!)
شلك بمتحاني وساعه ماقاريك حتى من اغش بيك ما انجح
يسمر مالي حيلك وانت حسنك جيش بطرك روحي وجايني مسلح
ياورد العمر شفتك دخلت انذار خايف من شرار عيونك التجدح
متأخره الجفوف الليل غطه البوب لدك باب كلبي الوكت ما يسمح
منو الدلاك جرفي الغافي من سنين وياهو العلماك بطيش بي تسبح؟؟
مفاتيحي بديك شجابهن؟؟يصغير!وبقت روحي بمزاجك تقفل وتفتح
خايف من صدك عاشكني حد الموت وخايف ماتظل وياي ما تنصح
طولك عيد جاي يريد اليلاكيه ركض كلبي وتذكر وجه ويفرح
غنه حجيك يعمي تريد كعده ليل ومسايه غروب روحى اغناك مايصلح
من كتلي احبك تعرف شسويت؟؟لو اشرح الحال سنين اظل اشرح
اتحبني شعلمك ماخفت مرتديت ما فكرت مرة تشوف حل اصلح؟؟
تاه من شوكت جدمك بدرب الليل ومن يمته عليك الصبح ما صبح
دمعتين امسحت وتسبني طول اليوم وانه من عيني عليك دمايه اظل امسح..