أنا عيوني تشتكـي مـن عيونـك

أنا عيوني تشتكـي مـن عيونـك
وأنت عيونك تشتكي مـن هدبهـا
سبحان من صب السحر في جفونك
واهداك عين ما روى من شربهـا
الشمس لو تشرق خذت منك لونك
وأحلى النجوم الضاوية لك نسبهـا
أحس هذا الكـون ضايـع بدونـك
كل الكواكب تـدري انـك عربهـا
الليل ياخذ من طباعـك شجونـك
والفجر ياخذ مـن عيونـك تعبهـا
والورد ينبت في خمايـل سكونـك
بين الشفـاه اللـي شفقهـا غلبهـا
كـل النسايـم لا تبسمـت دونـك
ترقص على همس الشفاه وطربهـا
وإذا ضحكت الله يسامـح عيونـك
صارت خدودك تشتكي من هدبهـا

سلمت اناملك

سامر

سامر كتب:الليل ياخذ من طباعـك شجونـك
والفجر ياخذ مـن عيونـك تعبهـا
والورد ينبت في خمايـل سكونـك
بين الشفـاه اللـي شفقهـا غلبهـا

صح لسانك
ابيات اكثر من رائعه سلمت الأيادي

شكرا على مروركم وانشاء نقدم لكم الافضل